இன்றைக்கு வண்ண அலங்கார மீன் வளர்ப்பு மிகவும் நல்ல தொழிலாக வளர்ந்து வருகிறது. மீன் வளத்தை சார்ந்திருப்பவர்கள் அலங்கார மீன்வளர்ப்பிலும் ஈடுப்பட்டு நல்ல லாபம் பார்க்கலாம். உங்களுக்கு கூடுதல் வருமானமாகவும் அமையும். இதற்கான வாய்ப்பு வகைகளை பற்றி பார்ப்போம்.
குட்டிபோடும் மீன்கள்: முதல் முதலில் வண்ணமீன் உற்பத்தியைத் தொழிலாக ஆரம்பிப்பவர்கள் குட்டிபோடும் வண்ணமீன் ரகங்களைத் தேர்வு செய்து ஆரம்பித்தல் நல்லது. ஏனெனில் ஆண், பெண் வித்தியாசத்தை சுலபமாகப் பிரிக்க முடியும். ஆண் மீன் சிறியதாகவும் அதிக நிறமுடையதாகவும், கோனாபோடியம் எனும் மாற்றமடைந்த துடுப்புடனும் காணப்படும். பெண் மீன் பெரியதாகவும், சற்று நிறம் குறைந்தும் காணப்படும்.
