புதர் நிலத்திலும் புதையல் எடுக்கலாம்...
கலக்கல் வருமானம் தரும் கலப்புப் பயிர்கள்!
''விவசாயத்துல வெற்றி, தோல்வி சகஜம்தாங்க. ஆனா, குதிரைக்குக் கடிவாளம் போட்டமாதிரி எல்லாரும் செய்றதையே நாமளும் செஞ்சுட்டு 'நஷ்டம், நஷ்டம்’னு புலம்பக் கூடாது. நம்ம மண்ணுக்கு, சூழலுக்கு எது தோதுப்பட்டு வருமோ... அதை ஆர்வத்தோடயும் அர்பணிப்போடயும் செஞ்சா வெற்றி தானா வரும். இது என் அனுபவத்துல பாத்த உண்மை''
-இப்படி நம்பிக்கைத் தெறிக்கப் பேசுகிறார், சிவகங்கை மாவட்டம், பிள்ளையார்ப்பட்டி அருகேயுள்ள மருதன்குடி கிராமத்தைச் சேர்ந்த நாச்சியப்பன்.
முழுநேர விவசாயிகளே விழிபிதுங்கி நிற்கும் இக்காலக்கட்டத்தில்... பகுதி நேரத் தொழிலாக விவசாயத்தை வெற்றிகரமாக செய்து வரும் நாச்சியப்பனை, உச்சிவெயில் வேளையில் அவருடைய பண்ணையில் சந்தித்தோம். உற்சாகமாகப் பேசத் தொடங்கினார், அவர்.
